कोशी प्रदेशभरकै उत्कृष्ट सामाजिक विषय शिक्षक बने संखुवासभाका सुमन विकल

काठमाडौँ- संखुवासभाको चैनपुर नगरपालिका-३ स्थित शारदा माध्यमिक विद्यालय, पोखरीका सामाजिक विषयका शिक्षक सुमन विकल कोशी प्रदेशस्तरीय सामाजिक विषय शिक्षण सिकाइ प्रतियोगितामा प्रथम भएका छन्।

शिक्षा विकास निर्देशनालय, धनकुटाले आयोजना गरेको माध्यमिक तहका विषयगत शिक्षकबीचको कोशी प्रदेशस्तरीय शिक्षण सिकाइ प्रतियोगितामा उत्कृष्ट प्रदर्शन गर्दै विकलले प्रथम स्थान हासिल गरेका हुन्। प्रतियोगिता गत चैत महिनादेखि विभिन्न चरणमा सञ्चालन गरिएको थियो।