एन्फा निलम्बन फुकुवाका लागि पहल गरियोस्

विश्व फुटबलको सर्वोच्च निकाय फिफाले अखिल नेपाल फुटबल संघ (एन्फा) लाई निलम्बन गरेको छ । यो निलम्बनले नेपाली फुटबल क्षेत्र अन्धकारमय भएको छ । फिफाले सार्वजनिक गरेको विज्ञप्तिअनुसार नेपाली फुटबलमा तेस्रो पक्षको हस्तक्षेप भएको उल्लेख छ । अर्को सूचना नआउन्जेलसम्म फिफाको एन्फामाथि अनिश्चितकालीन निलम्बन हो यो ।

नेपाली फुटबल इतिहासमा यो पहिलो घटना हो । यसले फुटबल खेलप्रेमीलाई निरास बनाएको छ । फिफा विधानको धारा १४ को उपधारा १ (आई) र ३ अनुसार तेस्रो पक्षको हस्तक्षेपसँग सम्बन्धित विधानको गम्भीर उल्लंघन भएको ठहर गर्दै निलम्बन गरेको हो । सोही अनुसार फिफाले एन्फालाई तत्काल लागू हुने गरी निलम्बन गर्ने निर्णय फिफाको द ब्यूरो अफ द काउन्सिलले गरेको हो ।