सरकार र लघुवित्त पीडितबीच पाँचबुँदे सहमति, आन्दोलन फिर्ता

काठमाडौं- लघुवित्त पीडित र सरकारबीच पाँचबुँदे सहमति भएको छ। शुक्रबार राति अर्थ मन्त्रालयमा भएको वार्तापछि लघुवित्त तथा वित्तीय शोषणविरुद्धको संघर्ष समिति र सरकारी वार्ता टोलीबीच सम्झौता भएको हो।

सहमतिअनुसार लघुवित्त पीडितका समस्या समाधानका लागि गठित कार्यदलले कार्यान्वयनयोग्य सिफारिस अर्थ मन्त्रालयमा पेश गर्नेछ। साथै, समस्याग्रस्त ऋणीका लागि पुनर्स्थापना कार्यक्रम सञ्चालन, कालोसूची र धितो लिलामसम्बन्धी व्यवस्था पुनरावलोकन गर्ने विषय पनि प्रतिवेदनमा समेटिनेछ।