खोटाङका वडाध्यक्षसहित दुई जनप्रतिनिधि पदमुक्त

खोटाङका वडाध्यक्षसहित दुई जनप्रतिनिधि पदमुक्त भएका छन्। दिक्तेल रुपाकोट मझुवागढी नगरपालिका–१४ बुईपाका वडाध्यक्ष दिनेशकुमार राई र खोटेहाङ गाउँपालिका ४ बडकादियालेका वडा सदस्य प्रदिप आचार्यलाई निर्वाचन आयोगले पदमुक्त गरेको हो।

निर्वाचन आयोगले शुक्रबार एक सूचना जारी गर्दै वडाध्यक्ष राई र सदस्य आचार्य पदमुक्त भएको जनाएको छ। नेपाल कम्युनिष्ट पार्टी (एमाले)बाट निर्वाचित वडाध्यक्ष राई र सदस्य आचार्यले केही समयअघि मात्र पार्टी परित्याग गरेका थिए। ०७४ र ०७९ को स्थानीयतह निर्वाचनमा राई एमालेबाट वडाध्यक्ष निर्वाचित भएका हुन् भने आचार्य ०७९ मा वडा सदस्य जितेका हुन्।