उदयपुरमा जंगली हात्ती आतंक : ११ घर भत्किँदा १६ लाख बढी क्षति

गएको ४८ घण्टायता उदयपुरमा जंगली हात्ती गाउँ छिरेर ११ घर भत्काएर जनजीवन आतंकित पार्दै लाखौँको धनमाल क्षति गरेको छ। शनिबार राति अज्ञात स्थलबाट छिरेको हात्तीको हुल चौढण्डीगढी नगरपालिकाका विभिन्न बस्ती पसेर सर्वसाधारणको धनसम्पत्ति क्षति गरेको प्रहरीले जनाएको छ।

जिल्ला प्रहरी कार्यालयका अनुसार चौदण्डीगढी ४ र ७ नं. वडामा हात्तीको समूह पसेर घरटहरा भत्काउने, बालीनाली नष्ट गर्ने, लत्ता कपडा च्यात्ने फाल्ने र अन्नपात खाइदिने गरेर आतंकित पारिरहेको छ। प्रहरीले सोमबार विहान जारी गरेको प्रेस नोट अनुसार आइतबार रातिसम्म गरि हात्तीले दुई वडामा गरि ११ घरमा १६ लाख २० हजार बराबरको क्षति गरेको छ।