अनसनरत ज्योति रानाभाटलाई वीर अस्पताल लगियो

काठमाडौँ । अनसनरत ज्योति रानाभाटको स्वास्थ्य अवस्था बिग्रिँदै गएपछि थप उपचारका लागि वीर अस्पताल लगिएको छ । बिहीबारदेखि नर्सिङ परिषद्को कार्यालयमा अनसन बस्दै आएकी रानाभाटलाई थप उपचारका लागि वीर अस्पताल लगिएको हो ।

नर्सिङ अभियन्ता कल्पना रिजालले रानाभाटको रक्तचाप घटेको जानकारी दिइन् । रिजालले भनिन्, ‘उहाँको शरीर कमजोर भएपछि स्लायन पानी चढाइएको थियो । रिँगटा लाग्ने समस्या देखिएको छ ।’ हिजो बेलुकी अनसनरत रानाभाट र र सरकारी टोलीबिच वार्ता भएको छ । सरकारी वार्ता समिति नै स्वार्थ प्रेरित रहेको भन्दै छलफल निष्कर्षविहीन बनेको थियो ।