रास्वपालाई मतदान गर्नेहरुमा भेडापन देखियो: संग्रौला

काठमाडौं । साहित्यकार खगेन्द्र संग्रौलाले नेपाली समाजमा चुनावका बेला भावनात्मक लहर र व्यक्तिकेन्द्रित राजनीति हाबी हुने प्रवृत्तिले विवेकपूर्ण मतदान संस्कृतिलाई कमजोर बनाएको टिप्पणी गरेका छन्।

‘समाज र राजनीतिबीचको अन्तरसम्बन्ध’ विषयक कार्यक्रममा शनिबार बोल्दै संग्रौलाले पछिल्लो संसदीय निर्वाचनको अनुभव सुनाउँदै धेरै मतदाताले उम्मेदवारभन्दा चुनाव चिह्न र लोकप्रिय व्यक्तित्वको प्रभावका आधारमा मतदान गरेको दाबी गरे। उनका अनुसार यसले नेपाली समाजमा आलोचनात्मक चेतनाभन्दा भावनात्मक निर्णयले बढी प्रभाव पार्ने प्रवृत्ति देखाएको छ।