चुनाव हारेपछि जागिर खुवाउन स्कूल खोले, बाँझो बारीमा चिया रोपे, त्यसपछि उनले चुनाव हारेनन्

इलामको मङ्गलबारे गाविस हाल (देउमाई नगरपालिका)मा २०४८ सालको चुनावी सरगर्मी उत्कर्षमा थियो । बहुदलपछिको पहिलो स्थानीय निर्वाचन भएकाले युवाहरूमा छुट्टै जोस थियो । त्यही भीडमा एकजना जुझारु युवक थिए- रामबहादुर राना मगर ।

विद्यार्थी राजनीतिमा राम्रै नाम कमाएका, अनेरास्ववियुको केन्द्रीय कमिटीसम्म पुगिसकेका रामबहादुरलाई लाग्थ्यो, उनको जित सुनिश्चित छ । तर, जब मतपरिणाम सार्वजनिक भयो, उनी छाँगाबाट खसेझैँ भए । उनी चुनाव हारिसकेका थिए ।