जिम्मेवारी लिने संस्कार छैन, नेपाल ‘बहुसंकट’ को अवस्थामा छ : राजनीतिक विश्लेषक खनाल

राजनीतिक विश्लेषक तथा प्राध्यापक कृष्ण खनालले नेपाली राजनीतिमा हार र असफलताको जिम्मेवारी लिने संस्कार कमजोर हुदाँ मुलुक अहिले ‘बहुसंकट’ को अवस्थाबाट गुज्रिरहेको बताएका छन्।

‘समाज र राजनीतिबीचको अन्तरसम्बन्ध’ विषयक अन्तरक्रिया कार्यक्रममा बोल्दै उनले राजनीतिक दलहरूले निर्वाचनमा पराजय व्यहोरेपछि वस्तुनिष्ठ आत्मसमीक्षा गर्नुको सट्टा अन्तरघात वा अन्य बाह्य कारणलाई दोष दिने प्रवृत्ति हाबी भएको बताए।