मोदीका आलोचनात्मक भिडियो धेरै देखाएको आरोपमा फेसबुक इन्डिया प्रमुखविरुद्ध मुद्दा

काठमाडौं । भारतको हैदरावाद प्रहरीले मेटा इन्डियाका प्रमुखविरुद्ध मुद्दा दर्ता गरेको छ । फेसबुकमा प्रधानमन्त्री नरेन्द्र मोदीलाई कथित रूपमा ‘अपमानजनक शैली’मा प्रस्तुत गरिएका धेरै भिडियो सार्वजनिक भएपछि प्रहरीले यो कदम चालेको हो ।

हैदरावाद साइबर अपराध शाखाका प्रहरी नायब आयुक्त भी. अरविन्द बाबुले शुक्रबार यसबारे जानकारी दिँदै मेटा प्लेटफर्म्सलाई औपचारिक सूचना पठाउने तयारी भइरहेको बताए । यद्यपि, शुक्रबार साँझसम्म कम्पनीलाई कुनै औपचारिक सूचना जारी गरिएको थिएन ।