करदाता प्रोत्साहन उपहार कार्यक्रममा सहभागी हुन आह्वान

काठमाडौं । आन्तरिक राजस्व विभागले वस्तु तथा सेवा खरिद–बिक्रीमा बीजक लिने–दिने संस्कृतिको विकास तथा कर अनुपालन अभिवृद्धि गर्ने उद्देश्यले सञ्चालन भइरहेको करदाता प्रोत्साहन उपहार कार्यक्रममा सहभागी हुन उपभोक्तालाई आग्रह गरेको छ।

विभागले सार्वजनिक सूचना जारी गर्दै नगद भुक्तानी गरी आफ्नै प्रयोजनका लागि नेपालभित्र एक पटकमा रु १०० भन्दा बढी मूल्यका वस्तु वा सेवा खरिद गर्ने योग्य उपभोक्ताले खरिद गरेको बीजकको विवरण विभागको अनलाइन प्रणालीमा प्रविष्ट गरी कार्यक्रममा सहभागी हुन सक्ने जनाएको छ।