डा शशांकले भने: शेखर दाइ कार्यव्यस्तताले नआउनुभएको हो, उहाँको समर्थन छ

नेपाली कांग्रेसका पूर्वसभापति शेरबहादुर देउवा निकट समूहले आगामी राष्ट्रिय भेलाको तयारीबारे जानकारी दिन शनिबार काठमाडौंको चुनदेवीस्थित सम्पर्क कार्यालयमा पत्रकार सम्मेलन आयोजना गरेको छ।

पत्रकार सम्मेलनमा समूहले पूर्वमहामन्त्री डा. शशांक कोइरालाको नेतृत्वमा ५५१ सदस्यीय आयोजक समिति गठन गरिएको जानकारी दिएको छ। भेलालाई व्यवस्थित र प्रभावकारी रूपमा सम्पन्न गर्न १६ वटा विभिन्न तयारी समिति समेत गठन गरिएको नेता मीन विश्वकर्माले बताए।