भूमि प्रशासनका ३ नायब सुब्बासहित ५ जना ३ लाख घुससहित पक्राउ

काठमाण्डु – अख्तियार दुरुपयोग अनुसन्धान आयोगले भूमि प्रशासन कार्यालय लगनखेलका ३ जना नायब सुब्बा र २ जना लेखापढी व्यवसायीलाई ३ लाख रुपैयाँ घुस लिइरहेको अवस्थामा नियन्त्रणमा लिएको छ ।

आयोगका अनुसार भूमि प्रशासन कार्यालय लगनखेल ललितपुरका नायब सुब्बाहरू उत्तम कुँवर, विशाल सुन्दास र राजकुमार मगर तथा लेखापढी व्यवसायी शैलेन्द्र रानामगर र समिर कटवालले जग्गाको बकसपत्र गराइदिने काममा सेवाग्राहीलाई दु:ख–हैरानी दिँदै घुस मागेको भन्ने सूचना र उजुरीका आधारमा अनुसन्धान गरिएको थियो ।