रुकुम पश्चिममा प्य्राङ्क भिडियो बनाउँदा पीडितको पनि मिलेमतो, तिनै जनालाई म्याद थप

काठमाडौँ । रुकुम पश्चिमको माच्छिमी भन्ने स्थानमा बेकरी डेलिभरी गर्ने युवकलाई दुर्व्यवहार गर्दै प्य्राङ्क भिडियो बनाएको घटनामा पीडितको पनि ‘मिलेमतो’ रहेको प्रहरीको अनुसन्धान निष्कर्ष छ । सल्ले भन्ने ठाउँमा सामान डेलिभरी गरेर खलङ्गातिर फर्किँदै गरेका युवकलाई खलङ्गाबाट बाफिकोट जाँदै गरेका आरोपीहरूले माच्छिमीमा भेटेर भिडियो बनाएका थिए ।

मधेसी मूलका युवकलाई उनीहरूले लखेट्दै साम्प्रदायिक सहिष्णुता खलल पार्ने अभिव्यक्ति दिएको भेटिएपछि प्रहरीले उनीहरूलाई पक्राउ गरेको थियो । असार २२ मा पश्चिम रुकुमको बाफिकोट गाउँपालिका वडा नम्बर–३ डार्ने घर भएका २८ वर्षीय डिल्लीबहादुर ओली र ३१ वर्षीय राजन केसी पक्राउ परेका थिए ।