एक रुपैयाँको सिक्कामा किन राख्न लागिएको थियो लो घेकर गुम्बा ?

१६ साउन, काठमाडौं । असार ३२ मा बसेको मन्त्रिपरिषद् बैठकले एक रुपैयाँको सिक्कामा भएको नेपालको नक्सा हटाउने निर्णय गरेको भन्दै सामाजिक सञ्जालमा चर्को विरोध भयो । नेपाल राष्ट्र बैंकले एक रुपैयाँको सिक्कामा उपल्लो मुस्ताङको लो घेकर गुम्बा राख्न प्रस्ताव गरेको थियो ।

संस्कृतिविद् डा. जगमान गुरुङ यस्तो गुम्बालाई सिक्कामा राख्ने प्रस्ताव आफूलाई एकदमै मन परेको बताउँछन् । उनी भन्छन्, ‘लो घेकर गुम्बा सिक्कामा राख्नु भनेको नेपालीका लागि धेरै ठूलो गौरवको कुरा हो । यस्तो प्रस्ताव धेरै सकारात्मक हो ।’