‘नथिङ इज इम्पोसिबल’ भन्ने निम्स दाइ सधैंका लागि मौन : ब्रोड पिकमा विश्व कीर्तिमानी निर्मल पुर्जाको निधन

काठमाडौं। पाकिस्तानको काराकोरम हिमशृंखलामा अवस्थित ८,०४७ मिटर अग्लो ब्रोड पिकमा गएको भीषण हिमपहिरोमा परी विश्वप्रसिद्ध नेपाली पर्वतारोही तथा विश्व कीर्तिमानी आरोही निर्मल ‘निम्स दाइ’ पुर्जाको निधन भएको पुष्टि भएको छ। पुर्जाले स्थापना गरेको आरोहण कम्पनी इलाइट एक्सपेड ले शनिबार आधिकारिक शोक वक्तव्य जारी गर्दै उनको निधन भएको जनाएको हो।

कम्पनीका अनुसार बिहीबार ब्रोड पिक आरोहणका क्रममा आएको हिमपहिरोमा पुर्जासहित उनको टोलीका सदस्यहरू परेका थिए। दुर्घटनामा उनका विश्वासिला सहयात्री तथा अनुभवी गाइड पुरबहादुर गुरुङ (युक्ता), निमा शेर्पा लगायत टोलीका अन्य सदस्यहरूको पनि ज्यान गएको पुष्टि गरिएको छ।