अमेरिका पनि गुमाउँदै नेतन्याहु : आधा अमेरिकीका लागि उनी ‘युद्ध अपराधी’

इजरायललाई अमेरिकाका दुवै प्रमूख दलका द्विदलिय साथ रहँदै आएको थियो । अर्थात् यस मामलामा रिपब्लिकन र डेमोक्र्याटको साझा सद्भाव थियो । तर, पछिल्लो समय इजरायल र समग्र अमेरिकाको सम्बन्ध त्यति सौहार्द रूपमा अघि नबढिरहेका अड्कलबाजीहरू बाहिर आइरहेका छन् ।

यसै सिलसिलामा अहिले इजरायल र अमेरिकाबिचको अपरिहार्य गठबन्धनलाई पुनः बजमुत बनाउने अपेक्षासहित बेन्जामिन नेतान्याहु वासिङ्टन डीसीको पछिल्लो भ्रमणमा निस्कँदै छन् । तर सार्वजनिक मत सर्वेक्षणले भने यी दुई देशबिचको सम्बन्ध एकदमै टड्कारो रूपमा परिवर्तन भएको असाधारण तस्बिर देखाएको छ । जुलाई २८ मा सार्वजनिक गरिएको इकोनोमिस्ट/युगोभ सर्वेक्षणअनुसार, ४९ प्रतिशत अमेरिकीले अन्तर्राष्ट्रिय फौजदारी अदालतले जारी गरेको पक्राउ पुर्जीका आधारमा इजरायली प्रधानमन्त्रीलाई पक्राउ गर्नुपर्ने बताएका छन् । त्यसभन्दा पनि उल्लेखनीय रूपमा, ४७ प्रतिशत अमेरिकीले गाजामा नेतान्याहुले युद्ध अपराध गरेको विश्वास व्यक्त गरेका छन् ।