गोरखामा भेनस अस्पतालले निःशुल्क स्वास्थ्य शिविर सञ्चालन गर्ने

काठमाडौँ । गोरखाको गण्डकी गाउँपालिका वडा नम्बर ३ र ४ मा निःशुल्क स्वास्थ्य शिविर सञ्चालन हुने भएको छ । काठमाडौँको मध्य बानेश्वरमा रहेको भेनस अस्पतालले यही जेठ १२ गते शनिबार आँपडाँडास्थित स्वास्थ्य चौकीमा स्वास्थ्य शिविरको आयोजना गर्न लागेको हो । शिविर बिहान ८ बजेदेखि सुरु हुने अस्पतालका अध्यक्ष नारायण ढकालले जानकारी दिए ।

स्वास्थ्य शिविर भिडियो एक्सरे सुविधासहितको हुने उनको भनाइ छ । शिविरमा मृगौला, पित्तथैलीको पत्थरी, आँखा, स्त्री तथा प्रसूति, हाडजोर्नी तथा नसा रोग सम्बन्धी जाँच हुनेछ भने जनरल फिजिसियनबाट सम्पूर्ण चेकजाँच हुने छ । यस्तै आँखा जाँचपछि आवश्यकता अनुसार आँखा रोगीलाई शिविर स्थानमै चस्मा पनि वितरण गरिने अस्पतालले जनाएको छ ।