पाँच हजार दर्शक अट्ने अस्थायी प्याराफिट निर्माणको काम धमाधम

आगामी भदौ १२ गतेदेखि सुरु हुने चौथो संस्करणको ताप्लेजुङ गोल्डकप फुटबल प्रतियोगिताको तयारी तीव्र पारिएको छ। प्रतियोगितालाई लक्षित गर्दै खेल मैदानको व्यवस्थापनसँगै करिब पाँच हजार दर्शक अट्ने अस्थायी प्याराफिट निर्माणको काम सुरु गरिएको आयोजकले जनाएको छ।

आयोजक लाखेजात्रा सञ्चालन समितिले प्रतियोगिता हुने भानुजन माध्यमिक विद्यालयको घाँसे मैदानलाई खेल सञ्चालनका लागि उपयुक्त बनाउने काम अघि बढाएको छ। समितिका अध्यक्ष सागर मादेनका अनुसार मैदानमा लगाइएको दुबो व्यवस्थित गर्दै खेलयोग्य बनाउने कार्य विगत दुई दिनदेखि निरन्तर जारी छ।