माओत्से गुरुङ निर्देशित फिल्म ‘पेन्सन पट्टा’को फर्स्ट लुक सार्वजनिक, दयाहाङ-गौमाया मुख्य भूमिकामा

काठमाडौँ- माओत्से गुरुङ निर्देशित फिल्म ‘पेन्सन पट्टा’को फर्स्ट लुक पोस्टर सार्वजनिक भएको छ। असार १५ को अवसर पारेर निर्माण टिमले आगामी भदौ २६ गते प्रदर्शनमा आउने फिल्मका प्रचार सुरु गरेको छ।

सार्वजनिक पोस्टरले फिल्मको मूल कथावस्तु, पात्रहरूको जीवनयात्रा, पारिवारिक सम्बन्ध, संघर्ष र ग्रामीण परिवेशलाई कलात्मक ढंगले चित्रण गरेका छन्। पहिलो पोस्टरमा दयाहाङ राई र गौमाया गुरुङ गाउँको परिवेशमा प्रस्तुत छन्। दोस्रो पोस्टरमा दुवै कलाकार हात समातेर झरनाको बाटो हुँदै यात्रा गरिरहेका देखिन्छन्। तेस्रो पोस्टरमा दयाहाङ सैनिक पोसाकमा प्रस्तुत छन् । गौमाया परम्परागत गुरुङ पहिरनमा देखिएकी छन्।