कृषि व्यवसायबाटै मनग्य आम्दानी

खोटाङ । खोटाङको खोटेहाङ गाउँपालिका–४, बडकादियालेका ५६ वर्षीय पर्शुराम आचार्य २४ वर्षदेखि व्यावसायिक कृषिमा रमाइरहनुभएको छ । घर–घु¥यानकै १६ रोपनी जग्गामा व्यावसायिक तरकारी तथा फलफूल खेतीबाट उहाँले वार्षिक ७ लाख बढी आम्दानी गर्नुहुन्छ । आचार्यले फलफूल र तरकारीको बेर्नासमेत उत्पादन गरी बिक्री गर्दै आउनुभएको छ ।

मौसमी र बेमौसमी तरकारी, फलफूलका साथै बेर्नाहरुसमेत उत्पादन गर्ने र बिक्री गर्ने गरेको आचार्यको भनाइ छ । बजारको खाँचो नभएकाले उत्पादन भएका सबै वस्तु बिक्री हुने कृषक आचार्यले सुनाउनुभयो । खोटाङ बजार, चिसापानी बजार, सिम्पानी बजारलगायतका जिल्लाका उत्तरी क्षेत्र र भोजपुरको पान्धारेसम्म उहाँको उत्पादनको माग हुने गरेको छ ।