आन्तरिक राजस्व विभागले ल्यायो बिल अपलोड पोर्टल, दैनिक १ लाख जित्ने अवसर

काठमाडौं । आन्तरिक राजस्व विभागले करदाता प्रोत्साहन उपहार कार्यक्रममा सहभागी हुन उपभोक्तालाई आफ्नो खरिदको सक्कल बिल दर्ता गर्न आग्रह गरेको छ । विभागले शनिबारदेखि prize.ird.gov.np पोर्टल सञ्चालनमा ल्याएको जानकारी दिँदै नगद कारोबारमार्फत खरिद गरिएका वस्तु तथा सेवाको बिल अपलोड गरी उपहार योजनामा सहभागी हुन सकिने जनाएको हो ।

विभागका उपमहानिर्देशक तथा सहसचिव जनकराज शर्माका अनुसार साउन १ गतेदेखि नेपालभित्र आफ्नै प्रयोजनका लागि एकपटकमा रु १०० वा सोभन्दा बढी मूल्यका वस्तु तथा सेवा नगदमा खरिद गरी प्यान वा भ्याट बिल प्राप्त गरेका उपभोक्ताले पोर्टलमा बिल दर्ता गर्न सक्नेछन् ।