इन्फान्टिनोको संकट: विश्व फुटबलको खर्बौंको साम्राज्य कसले चलाउला ?

काठमाडौं । फुटबल हेर्दा यो खेलजस्तो मात्र देखिन्छ, तर पर्दा पछाडि फिफा एउटा विशाल व्यापारिक संस्था हो जसको वार्षिक आम्दानी विश्वका दर्जनौं देशको कुल गार्हस्थ्य उत्पादन (जीडीपी) भन्दा बढी छ ।

अन्तर्राष्ट्रिय सञ्चारमाध्यम र फिफाकै आधिकारिक प्रतिवेदनहरूले देखाएका आँकडा हेर्दा यो संस्थाको आकार साँच्चै चकित पार्ने खालको छ । अहिले फिफा अध्यक्ष जियानी इन्फान्टिनोमाथि उनकै लगानी योजनाका कारण चौतर्फी दबाब परिरहेको बेला, यो आर्थिक साम्राज्यको भविष्य के होला भन्ने प्रश्न पनि उठ्न थालेको छ।