सङ्घीयता सङ्घर्ष र त्यागले आएको हो, हटाउने प्रयास नगर्नुस् : सांसद खालिद

काठमाडौँ । जनता समाजवादी पार्टी (जसपा) नेपालले सङ्घीयता कसैको दाया मायाले नभई सङ्घर्ष र त्यागले आएको बताउँदै हटाउने प्रयास नगर्न चेतावनी दिएको छ । राष्ट्रियसभाको सोमबारको बैठकमा विशेष समयमा बोल्दै जसपा नेपालका सांसद मोहम्मद खालिदले सङ्घीयता कसैको दया–मायाले नभई नेपाली जनताको लामो सङ्घर्ष, शहादत र त्यागबाट प्राप्त भएको बताए ।

‘सङ्घीयता असफल भयो, खर्चिलो भयो भन्दै भ्रम फैलाएर यसलाई कमजोर पार्ने प्रयास भइरहेको छ,’ उनले भने, ‘सङ्घीयता हात्ती पाल्नु जस्तो होइन, यो त अधिकार तल्लो तहसम्म पुर्‍याउने माध्यम हो ।’