जर्मनीलाई हराउदै इक्वेडर नकआउट चरणमा

न्युयोर्क — चार पटकको जर्मनीमाथि २–१ को ऐतिहासिक विजय हात पार्दै इक्वेडर फिफा विश्वकप २०२६ को नकआउट चरणमा प्रवेश गरेको छ । अघिल्लो खेलमा कुरासाओसँग गोलरहित बराबरीमा रोकिएको इक्वेडरले न्युयोर्कको न्यु जर्सी मैदानमा शानदार खेल प्रदर्शन गरेको हो ।

गोन्जालो प्लाटाले ७७ औं मिनेटमा गरेको गोल इक्वेडरका लागि निर्णायक बन्यो । पहिलो दुई खेल जितेर जर्मनी यसअघि नै समूह ‘ई’ को विजेता बनेर अन्तिम ३२ मा प्रवेश गरेको थियो ।