काठमाडौंको गोठाटारमा फर्निचर पसलसहित व्यापारिक टहरा जले

काठमाडौं। काठमाडौंको गोठाटारस्थित पहेँलो पुल नजिक शनिबार राति आगलागी भएको छ । काठमाडौं उपत्यका प्रहरी कार्यालय, रानीपोखरीका अनुसार राति करिब ९:१५ बजे ट्रान्सफर्मरबाट आगलागी सुरु भएको हो ।

प्रहरीका अनुसार आगो फैलिँदै फर्निचर पसलसहित आसपासका व्यापारिक टहरामा पुगेपछि क्षति भएको छ । आगलागी नियन्त्रणका लागि दमकल, नेपाल प्रहरी, सशस्त्र प्रहरी र स्थानीयवासी परिचालन गरिएको छ ।