माया गुरुङको सम्मानमा सांगीतिक साँझ

लमजुङ, (नेस)। नेपाली लोकसंगीतकी अग्रज गायिका माया गुरुङ (देवीमाया थापा गुरुङ) को चार दशकभन्दा लामो सांगीतिक यात्राको सम्मानमा आगामी असोज १० गते लमजुङको बेसीसहरमा माया गुरुङ सांगीतिक साझ–२०८३ आयोजना गरिने भएको छ। कार्यक्रमबाट बचत रकम कलाकारको हितमा प्रयोग गर्ने उद्देश्यले कलाकार कल्याणकारी कोष स्थापना गरिने आयोजकले जनाएका छन्।

राष्ट्रिय लोक तथा दोहोरी गीत प्रतिष्ठान नेपाल, जिल्ला कार्यसमिति लमजुङले पत्रकार सम्मेलनमार्फत कार्यक्रमको औपचारिक घोषणा गर्दै आर्थिक अभाव, स्वास्थ्य उपचार, दुर्घटना तथा अन्य आपत्कालीन अवस्थामा कलाकारलाई सहयोग पु¥याउने लक्ष्यसहित कोष स्थापना गर्न लागिएको जानकारी दिएको हो। बेसीसहर नगरपालिका–८ स्थित फूलबारी मञ्चमा हुने कार्यक्रममा राष्ट्रिय तथा स्थानीय चर्चित लोक तथा दोहोरी कलाकारको प्रस्तुति रहनेछ।