मिसन एसियन गेम्स : आगामी पुस्तालाई प्रोत्साहित गर्न जुट्दै स्केटर शरद र गजेन्द्र

काठमाडौँ । पहिलोपल्ट सबैभन्दा ठुलो प्रतियोगितामा प्रतिस्पर्धा गर्न लागेका नेपालका स्केटिङ खेलाडी आगामी २०औँ एसियन गेम्सको तयारीमा जुट्दा निकै उत्साहित छन् । नेपाली खेलकुदको कार्यकारी निकाय राष्ट्रिय खेलकुद परिषद् (राखेप) मा ७४ वटा खेल सङ्घहरू आधिकारिक रूपमा दर्ता छन् ।

आगामी एसियन गेम्समा ४३ वटा खेल विधामा प्रतिस्पर्धा हुने भए पनि नेपालले २२ वटा खेलमा मात्र चुनौती प्रस्तुत गर्दैछ । एसियन गेम्स खेल्नु हरेक खेलाडीको सपना हुन्छ । तर सिमितले मात्र यो अवसर पाउँदैछन् । त्यस्तै अवसर प्राप्त गर्नेमध्ये एक स्केटिङ पनि हो ।