काँकडभिट्टा नाकाबाट २४ अर्बभन्दा बढीको पेट्रोलियम पदार्थ आयात, अर्बौंको राजस्व संकलन

काठमाडौं- पूर्वी नाका काँकडभिट्टाबाट गत आर्थिक वर्षमा २४ अर्ब ५० करोड ६७ लाख ४४ हजार रुपैयाँ बराबरको पेट्रोलियम पदार्थ भित्रिएको छ। उक्त अवधिमा पेट्रोल, डिजेल र लिक्विफाइड पेट्रोलियम ग्यास (एलपिजी) गरी तीन प्रकारका इन्धन भारतबाट आयात भएको हो।

काँकडभिट्टा भन्सार कार्यालयको तथ्यांकअनुसार सबैभन्दा धेरै १२ अर्ब १८ करोड ७ लाख ६४ हजार रुपैयाँको पेट्रोल आयात भएको छ। यस्तै ९ अर्ब ५५ करोड ४९ लाख ७ हजार रुपैयाँको डिजेल र २ अर्ब ७७ करोड १० लाख ७३ हजार रुपैयाँ बराबरको एलपिजी भित्रिएको छ।