काँग्रेस एकताका लागि ‘देश र कांग्रेस जोड्ने अभियान’ सुरु

नेपाली कांग्रेसभित्र देखिएको आन्तरिक विभाजन अन्त्य गर्दै पार्टीमा संवाद, सहकार्य र एकता सुदृढ गर्ने उद्देश्यसहित युवा नेताहरूले ‘देश र कांग्रेस जोड्ने अभियान’ सुरु गरेका छन्। अभियानअन्तर्गत आगामी साउन २० गते काठमाडौंमा ‘राष्ट्रिय एकता भेला’ आयोजना गरिने भएको छ।

आइतबार आयोजित पत्रकार सम्मेलनमा अभियानको घोषणा गर्दै नेपाली काग्रेसका नेता तथा नेविसंघका पूर्वअध्यक्ष नैनसिंह महरले वर्तमान राजनीतिक परिस्थितिमा नेपाली कांग्रेसप्रति जनताको भरोसा बढेको बताए। उनले लोकतन्त्रलाई बलियो बनाउन कांग्रेसभित्रको एकता अपरिहार्य रहेको भन्दै पार्टीले जनअपेक्षाअनुसार आफूलाई सुदृढ बनाउनुपर्ने बताए।