आईएमई लाइफको ‘बिजनेस एक्सिलेन्स अवार्ड नाइट’मा उत्कृष्ट अभिकर्ता पुरस्कृत

काठमाडौं । आईएमई लाइफ इन्स्योरेन्स कम्पनी लिमिटेडले आर्थिक वर्ष २०८२/८३ मा उत्कृष्ट कार्यसम्पादन गर्ने अभिकर्ताहरूलाई सम्मान गर्दै ‘आईएमई लाइफ बिजनेस एक्सिलेन्स अवार्ड नाइट २०२६’ सम्पन्न गरेको छ ।

कम्पनीका अनुसार गत शुक्रबार काठमाडौंस्थित होटल याक एण्ड यतीमा आयोजित कार्यक्रममा देशभरबाट ३५० भन्दा बढी अभिकर्ताको सहभागिता रहेको थियो । अभिकर्ताहरूको उत्कृष्ट योगदानको कदर गर्नुका साथै उनीहरूलाई थप उत्साहित र उत्प्रेरित गर्ने उद्देश्यले कार्यक्रम आयोजना गरिएको कम्पनीले जनाएको छ ।