कैलालीमा धार्मिक र्‍यालीमा कडाइ, सीमा प्रवेशमा परिचयपत्र अनिवार्य

धनगढी । तराई–मधेशका विभिन्न जिल्लामा पछिल्ला दिनमा भएका धार्मिक तनाव, आगजनी, तोडफोड तथा बन्द–हड्तालजस्ता घटनाबाट उत्पन्न हुनसक्ने सुरक्षा चुनौतीलाई ध्यानमा राख्दै कैलालीमा धार्मिक सहिष्णुता र सामाजिक सद्भाव कायम राख्न तीनबुँदे निर्णय गरिएको छ।

जिल्ला प्रशासन कार्यालय कैलालीको आह्वानमा बसेको अन्तरधार्मिक तथा सामाजिक सद्भाव जिल्ला समन्वय समितिको बैठकले जिल्लाभर सामाजिक एकता र धार्मिक सद्भावलाई थप सुदृढ बनाउन स्थानीय तहसँग समन्वय गरी पालिका तथा वडास्तरमा धार्मिक तथा सामाजिक सद्भाव समन्वय समिति गठन गर्ने निर्णय गरेको हो।