इतिहास र विचार माथि आक्रमण गर्नु लोकतन्त्र विपरित हो : माधव नेपाल

नेपाल कम्युनिष्ट पार्टीका संयोजक माधवकुमार नेपालले राजनीतिक मतभिन्नताको नाममा इतिहास, विचार र राष्ट्रिय व्यक्तित्वमाथि आक्रमण गर्नु लोकतान्त्रिक मूल्यविपरीत भएको बताएका छन्।

आइतबार काठमाडौंमा आयोजित तुलसीलाल स्मृति प्रतिष्ठान स्थापना कार्यक्रममा बोल्दै उनले तत्कालीन समयमा कम्युनिष्ट आन्दोलनसँग सम्बन्धित बैठकहरू नियमित रूपमा तुलसीलाल अमात्यको निवासमा बस्ने गरेको र संगठन विस्तारसँगै छुट्टै स्थानको आवश्यकता महसुस भएपछि तत्कालीन सरकारसँग पहल गरेर प्रतिष्ठानका लागि जग्गा प्राप्त गरिएको बताए।