सामाजिक सञ्जालमा राखिएका चलचित्रको भाग तत्काल हटाउन चलचित्र विकास बोर्डको आग्रह

चलचित्र विकास बोर्डले सामाजिक सञ्जालमा सिनेमाघरमा प्रदर्शनरत चलचित्रलाई मोबाइलमा खिचेर फेसबुक, टिकटकलगायतका सञ्जालमा हाल्नेहरुलाई दृश्य तत्काल हटाउन आग्रह गरेका छन्।

बोर्डले आइतबार विज्ञप्ति जारी गर्दै यसो गर्ने व्यक्तिलाई नगर्न अग्रह गरेको छ। प्रदर्शनमा रहेको चलचित्र ‘गौंथली’ लगायतका चलचित्रहरुको मुख्य भाग नै सामाजिक सञ्जालमा देखिन थालिएपछि यस्ता खालको क्रियाकलाप नगर्न चलचित्र निर्देशक कपिल रिजालले समेत केही दिन अगाडि आग्रह गरेका थिए।