अन्नपूर्ण क्षेत्रको पदयात्राः ‘भारतीय र बंगलादेशी’ नयाँ पाहुना

अन्नपूर्ण क्षेत्रको पदयात्रामा कुनैबेला यूरोपियन र अमेरिकी पाहुनाको बाहुल्यता रहन्थ्यो। लामो समय लगाएर अमेरिकी र यूरोपियन पदयात्रीले पदयात्रा पुरा गर्दथे। पर्याप्त समय लिएर पदयात्रामा जाने ती पर्यटकको संख्या पछिल्लो समय कमजोर हुँदै गएको छ। पदमार्गमा मोटरबाटो बिस्तार भएसँगै यूरोपियन र अमेरिकी पाहुनाको आकार खस्केको व्यावसायीले बताउँदै आएका छन्।

यूरोपियन र अमेरिकी पाहुनाको आकार कमजोर हुँदै गर्दा अन्नपूर्ण क्षेत्रले पछिल्लो समय भारतीय र बंगलादेशी पाहुनालाई भने आकर्षण गर्न सकेको छ। व्यावसायीले अन्नपूर्ण क्षेत्रको पदयात्राका लागि भारतीय र बंगलादेशी नयाँ पाहुना भएको बताउन थालेका छन्।