अब फिफा अध्यक्ष इन्फान्टिनोको विकल्पमा क-कसले दिँदैछन् टक्कर ?

काठमाडाैं । विश्व फुटबलको सर्वोच्च निकाय फिफाका अध्यक्ष ज्यानी इन्फान्टिनोले विश्वकप र आफ्ना प्रमुख प्रतियोगिताहरूको व्यापारिक अधिकार निजी लगानीकर्ताहरूलाई बेच्ने विवादित योजना फिर्ता लिए पनि उनको नेतृत्वमाथिको सङ्कट साम्य भएको छैन।

‘फिफा फरवार्ड इन्टरप्राइज’ नाम दिइएको निजीकरणको यो प्रस्तावप्रति युरोपेली फुटबल महासङ्घ (युइएफए), उत्तर तथा मध्य अमेरिकाको कोन्काकाफ र एसियाली फुटबल महासङ्घ (एएफसी)ले तीव्र विरोध जनाएपछि इन्फान्टिनो आफ्नो निर्णयबाट पछि हट्न बाध्य भएका छन्। तर, अपारदर्शी ढङ्गले निजी क्षेत्र भित्र्याउन खोजेको भन्दै युइएफएले इन्फान्टिनोमाथिको विश्वास गुमाएको घोषणा गरिसकेको छ, जसले आगामी मार्चमा हुने फिफा अध्यक्षको निर्वाचनलाई रोमाञ्चक र अनिश्चित मोडमा पुर्‍याइदिएको छ।