‘पेन्सन पट्टा’ मा सैनिक पोसाकमा दया

अभिनेता तथा निर्देशक माओत्से गुरुङ निर्देशित नेपाली चलचित्र ‘पेन्सन पट्टा’ को फस्ट लुक सार्वजनिक गरिएको छ। असार १५ को अवसरमा चलचित्रको तीन फरक शैलीका पोस्टर सार्वजनिक गर्दै औपचारिक रूपमा प्रचारप्रसार सुरू गरेको हो।

सार्वजनिक पोस्टरमा दयाहाङ सैनिक पोसाकमा प्रस्तुत छन् भने गौमाया परम्परागत गुरूङ पहिरनमा देखिएकी छन्। पृष्ठभूमिमा रहेका युवा पात्रहरूको उपस्थितिले प्रेम, प्रतीक्षा, परिवार र पुस्तान्तरणको कथालाई संकेत गरेको छ।