अनशनरत नर्स ज्योति रानाभाटको स्वास्थ्य अवस्था बिग्रियो, उपचारसमेत अस्वीकार

चार दिनदेखि आमरण अनशनमा रहेकी नर्स ज्योति रानाभाटको स्वास्थ्य अवस्था थप जटिल बन्दै गएको छ। उनको हेरचाहमा खटिएका नर्सहरूका अनुसार रानाभाटले उपचारसमेत अस्वीकार गरेकी छन्।

रानाभाटले गत बिहीबारदेखि नेपाल नर्सिङ परिषद्को हाताभित्र १५ बुँदे माग राख्दै आमरण अनशन सुरु गरेकी हुन्। अनशनको चौथो दिन आइतबार उनको स्वास्थ्यमा थप समस्या देखिएको नर्स गीता बरालले जानकारी दिइन्।