विशेष घटनाको प्रभाव सेयर बजारमा पहिले : अध्ययन

१७ साउन, काठमाडौं । आर्थिक क्षेत्रका नीति तथा अरू विशेष घटनाका कारण सेयर बजार सबैभन्दा छिटो प्रभावित हुने गरेको एक अध्ययनले देखाएको छ । बजेट, मौद्रिक नीति, कोरोना महामारी, भूकम्प लगायत घटनाक्रमले सबैभन्दा छिटो प्रभाव सेयर बजारमा पारेको अध्ययनले देखाएको हो ।

नेपाल राष्ट्र बैंकका डा. विरेन्द्र बहादुर बुढा, रोहन व्यञ्जनकार र स्वस्तिक नेपालले संयुक्त रुपमा गरेको यस अध्ययन अनुसार कुल गार्हस्थ उत्पादन (जीडीपी) २ प्रतिशतले घट्दा सेयर बजार सूचक (नेप्से) १० प्रतिशतसम्म घट्ने देखिएको छ ।