कल बाइसपासमा संलग्न चारजना पक्राउ

काठमाडौं । अवैधरूपमा अन्तर्राष्ट्रिय कल बाइपास (भिओआइपी) मा संलग्न चारजना पक्राउ परेका छन् । केन्द्रीय अनुसन्धान ब्यूरोको टोलीले काठमाडौं र भक्तपुरबाट भिओआइपी उपकरणसहित उनीहरूलाई पक्राउ गरेको हो ।

गोरखाको अजिरकोटका प्रोशेस गुरुङ, काठमाडौंको शङ्खरापुरका मुना श्रेष्ठ, कञ्चनपुरको कृष्णपुरका जेनित झुकाल तथा भक्तपुरको सूर्यविनायकका कृष्ण नगरकोटीलाई काठमाडौं र भक्तपुरबाट पक्राउ गरिएको ब्यूरोका प्रवक्ता अनुपमशम्शेर जबराले जानकारी दिए ।