सात वर्षअगाडि पाकिस्तानी तालिबानले मार्लान् कि भनेर चिन्तित थिए निर्मल पुर्जा (भिडियाे)

सात वर्षअगाडि जुलाई महिनामा पाकिस्तानमा मरिएला कि भन्ने चिन्तामा थिए निर्मल पुर्जा । सात वर्षपछि उनी पाकिस्तानकै हिमालमा अस्ताए । तर, सन् २०१९ जुलाईमा पाकिस्तानमा मरिएला कि भनेर चिन्ता गरेका निर्मलले पाकिस्तान जाने एकै उडानको टिकट काटेनन् । तीन फरक उडानको टिकट काटे । कसैले मार्न खोजे पनि झुक्कियोस् भनेर ।

पाकिस्तान पुगेर होटल, लज तथा रिसोर्टमा बसेनन् । भुईंमै टेन्टमा बसे । तर, सन् २०१९ को जुलाईमा त्यस्तो कुनै घटना घटेन । सन् २०१३ मा पाकिस्तानी तालिबानले १० आरोहीलाई मारेका थिए । नांगा पर्वतको आधार शिविरमा भएका आरोहीलाई टेन्टबाट थुतेर उनीहरूले भकाभक मारेका थिए ।