घाइते खुट्टा र अनसनबाट तंग्रिँदै गरेका डा केसी स्वास्थ्य सेवा दिन कालापानी क्षेत्र लागे

काठमाडौं- घाइते खुट्टा र अनसनबाट तंग्रिँदै गरेको शरीर लिएर वरिष्ठ चिकित्सक प्रा. डा. गोविन्द केसी दार्चुलाको विकट व्यास गाउँपालिकास्थित छाङ्रु (कालापानी क्षेत्र) मा नि:शुल्क स्वास्थ्य शिविर सञ्चालनका लागि प्रस्थान गरेका छन्।

हालैको अनसन र खुट्टाको शल्यक्रियापश्चात् पूर्ण रूपमा स्वास्थ्य लाभ भइनसकेको अवस्थामा पनि डा. केसी आफ्नो झोला बोकेर विकट गाउँतर्फ लागेका हुन्। प्रतिकूल मौसम र कमजोर शारीरिक अवस्थाका कारण केही समय पर्खिन डा अमृत जैशीले गरेको आग्रहलाई मुस्कुराउँदै पन्छाएर उनी दूरदराजका सर्वसाधारणलाई स्वास्थ्य सेवा दिन सार्वजनिक यातायातमा कालापानी क्षेत्रमा निस्किएका हुन्।