अनशनरत नर्स रानाभाटको स्वास्थ्य अवस्था बिग्रँदै

काठमाडौं- नर्स तथा मिडवाइफहरूको न्यूनतम पारिश्रमिक, श्रम शोषणको अन्त्यलगायत १५ बुँदे माग राख्दै आमरण अनशनमा बसेकी नर्स ज्योति रानाभाटको अनशन चौथो जारी छ। स्वास्थ्य अवस्था निरन्तर कमजोर बन्दै गएपछि आइसीयु सार्ने तयारी भइरहेको उनका सहयोगीले जनाएका छन्।

साउन १४ गतेदेखि अनशनरत रानाभाटको स्वास्थ्य अवस्था कमजोर भएपछि वीर अस्पताल सारिएको छ। चिकित्सकहरूले उनलाई आईसीयूमा राख्न सुझाव दिए पनि उनले अस्वीकार र औषधिसमेत लिन नमानेको उनकी सहयोगी कविता सिटौलाले बताइन्।रानाभाटले स्वास्थ्य, शिक्षा, श्रम तथा अर्थ मन्त्रालयका प्रतिनिधि सहभागी हुने उच्चस्तरीय वार्ताको माग गरेकी छन्।