सभामुख अर्यालको सांसदलाई सुझाव : मीठो कुरा मात्र होइन, सत्य बोल्न सिक्नुपर्छ (सम्बोधनको पूर्णपाठ)

प्रतिनिधि सभाका सभामुख डोलप्रसाद (डीपी) अर्यालले सांसदहरूलाई संसद्‌भित्रको भूमिका थप जिम्मेवार, अध्ययनशील र प्रभावकारी बनाउन आग्रह गरेका छन्।

संघीय संसद् सचिवालयद्वारा प्रतिनिधि सभाका सदस्यहरूका लागि आयोजित ‘संसदीय प्रक्रिया र अभ्यास सम्बन्धी अभिमुखीकरण कार्यक्रम–२०८३’ को उद्घाटन समारोहलाई सम्बोधन गर्दै सभामुख अर्यालले सांसदहरू जनताको विश्वासबाट निर्वाचित प्रतिनिधि भएकाले उनीहरूको व्यवहार, प्रस्तुति र कामकारबाहीलाई देश–विदेशबाट नजिकबाट नियालिने बताएका हुन्।