सर्वोच्च अदालतद्वारा सिलगढी–कलेना सडक निर्माणसम्बन्धी रिट खारेज

काठमाडौं । सर्वोच्च अदालतले डोटीको दिपायल–सिलगढी नगरपालिका–१ अन्तर्गत निर्माणाधीन सिलगढी–कलेना (सेक्सन) सडकसम्बन्धी रिट निवेदन खारेज गरेको छ।

न्यायाधीश डा. मनोजकुमार शर्मा र टेकप्रसाद ढुङ्गानाको संयुक्त इजलासले निरञ्जन बहादुर अमात्यसहितले दायर गरेको उत्प्रेषणयुक्त रिटमा सार्वजनिक हित, सडक निर्माणको आवश्यकता तथा कानुनी प्रक्रियालाई आधार मान्दै रिट खारेज गर्ने फैसला गरेको हो।