तपाईं यसकारण विन्डोज कम्प्युटरको फोल्डरमा राख्न सक्नु हुन्न यी २२ वटा नाम

काठमाडौं । आफ्नो डेस्कटपमा राइट-क्लिक गर्नुहोस्, एउटा नयाँ फोल्डर बनाउनुहोस्, र त्यसको नाम CON राख्नुहोस् । विन्डोजले This specified device name is invilid अर्थात् 'निर्दिष्ट गरिएको डिभाइसको नाम अमान्य छ' भन्ने एरर देखाउँदै तपाईंको प्रयासलाई अस्वीकार गर्छ । अनि, तपाईंले केही टाइप नै नगरे जस्तै गरी पुरानै New folder नाम पुनःस्थापित गरिदिन्छ ।

अब PRN, AUX, NUL, LPT1 अथवा COM3 राखेर प्रयास गर्नुहोस् । फेरि पनि नतिजा उस्तै हुनेछ । विन्डोजमा फाइल वा फोल्डरको रूपमा राख्न नमिल्ने यस्ता करिब दुई दर्जन सामान्य लाग्ने नामहरू छन् । यी प्रत्येक नाम वास्तवमा पुराना ठेगाना हुन्, जसले कुनै समय हार्डवेयरका निश्चित भागलाई जनाउँथे ।