‘जरिवाना एक लाखै राखे पनि ट्राफिक नियम नमिच्नेलाई फरक पर्दैन’

नेपालमा जनधनको ठूलो क्षतिको एउटा प्रमुख कारण सडक दुर्घटना हो। नेपाल संसारकै सर्वाधिक दुर्घटना हुने देशमा पर्छ। सडक दुर्घटनाबाट गत एक दशकमा २४ हजारभन्दा बढीको ज्यान गयो। पछिल्लो पाँच वर्षमा २ हजार ६६१ पैदलयात्रुको मृत्यु भएको छ।

काठमाडौं उपत्यका ट्राफिक प्रहरी कार्यालय रामशाहपथले १ असारबाट एक महिने ट्राफिक सचेतना महाअभियान सञ्चालनमा ल्याएको छ। काठमाडौं उपत्यकामा ट्राफिक नियम उल्लंघन, सवारी दुर्घटनाका घटनाहरू न्यूनीकरण गर्ने उद्देश्य सहित सचेतना महाअभियान चलाइएको छ।