बेनी–जोमसोम र बेनी–दरबाङ सडकमा राति सवारी आवागमन बन्द

म्याग्दी सदरमुकाम बेनीदेखि मुस्ताङको जोमसोम जोड्ने सडक र बेनी–दरबाङ सडकमा रातको समयमा सवारी आवागमन बन्द गरिएको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले आइतबार र सोमबार भारी वर्षा हुने प्रक्षेपण गरेपछि जिल्ला सुरक्षा समितिको निर्णयअनुसार आइतबार र सोमबार साँझ ७ बजेदेखि मंगलबार बिहान ५ बजेसम्म यातायात सञ्चालनमा रोक लगाइएको हो ।