जनशक्ति अभावले प्रदेश अस्पताल स्याङ्जाको सेवा प्रभावित

१८ साउन, स्याङ्जा । जिल्लाको सदरमुकाम नजिकै रहेको प्रदेश अस्पताल पुतलीबजार स्याङ्जामा बिरामीको चाप दिनप्रतिदिन बढ्दै गए पनि स्थायी चिकित्सक र कर्मचारीको अभावले सेवा प्रवाह प्रभावित बनेको छ ।

पुतलीबजार नगरपालिका-३ मा रहेको यस अस्पतालमा व्यवस्थापकीय सुधारसँगै नयाँ-नयाँ सेवा विस्तार भए पनि अधिकांश सेवा करार कर्मचारीको भरमा सञ्चालन भइरहेका कारण दीर्घकालीन रूपमा गुणस्तरीय स्वास्थ्य सेवा दिन चुनौती थपिएको अस्पताल प्रशासनले जनाएको छ ।