ताप्लेजुङमा २५ प्रतिशत क्षेत्रमा धान रोपाइँ

ताप्लेजुङमा मध्य असारसम्म २५ प्रतिशत क्षेत्रमा धानबाली लगाइएको छ । कृषि ज्ञान केन्द्र ताप्लेजुङका बाली विकास अधिकृत मुना न्यौपाने दाहालका अनुसार यस वर्ष पर्याप्त मात्रामा वर्षा भएकाले समयमै साविकभन्दा बढी क्षेत्रफलमा धानबाली लगाइएको हो ।

न्यौपानेका अनुसार ताप्लेजुङमा यस वर्ष ५ हजार ६ सय १३ हेक्टर क्षेत्रफलमा धानखेती लगाउने प्रक्षेपण गरिएको छ । पर्याप्त वर्षा भएको र आकाशे पानीको भर पर्नुपर्ने क्षेत्रमा समेत धानखेती गर्न सकिने देखिएकाले साविकभन्दा बढी क्षेत्रमा धानबाली लगाउने प्रक्षेपण गरिएको कृषि ज्ञान केन्द्रले जनाएको छ ।